టీడీపీ సీనియర్ నేత యనమలకు అస్వస్థత.. ఆరోగ్య పరిస్థితిపై సీఎం చంద్రబాబు ఆరా

తెలుగుదేశం పార్టీ సీనియర్ నేత, మాజీ మంత్రి యనమల రామకృష్ణుడు అస్వస్థతకు గురయ్యారు. దీంతో ఆయన్ను మెరుగైన చికిత్స నిమిత్తం కుటుంబ సభ్యులు కాకినాడలోని ఒక ప్రైవేట్ ఆసుప‌త్రిలో చేర్పించారు. ప్రస్తుతం ఆయన వైద్యుల పర్యవేక్షణలో చికిత్స పొందుతున్నారు.

ఈ విషయం తెలుసుకున్న ముఖ్యమంత్రి నారా చంద్రబాబు నాయుడు వెంటనే స్పందించారు. యనమల కుటుంబ సభ్యులు, ఆయనకు చికిత్స అందిస్తున్న వైద్యులతో ఫోన్‌లో మాట్లాడి ఆరోగ్య పరిస్థితి గురించి ఆరా తీశారు. యనమలకు అందిస్తున్న వైద్య వివరాలను అడిగి తెలుసుకున్నారు.

అనంతరం యనమల రామకృష్ణుడి ఆరోగ్య పరిస్థితిని ఎప్పటికప్పుడు తనకు తెలియజేయాలని పార్టీ ముఖ్య నేతలను చంద్రబాబు ఆదేశించారు. యనమల అస్వస్థతకు గల కారణాలు, ఆయన ఆరోగ్య స్థితికి సంబంధించిన పూర్తి వివరాలు తెలియాల్సి ఉంది.

ఇదీ చదవండి :: తుమ్మలూరి భాస్కర్ ఇంటింటి ప్రచారం